FJALOR FRAZEOLOGJIK DHE IDIOMA SHQIPE Unë them me plot bindje se ky fjalor do t'i shërbejë nxënësit, gjuhëtarit, politikanit, tregtarit, profesorit, të huajit, filosofit, fundja do t'i shërbejë dhe këtij amerikanit që kërkon të mësojë idiomat dhe proverbat shqipe. Do t'i shërbejë atij që e do gjuhën shqipe me shpirt, do t'i shërbejë atij që e ka thënë fjalën, do të shërbejë atij që sheh emrin e vet apo të prindit të vet që kanë kontribuar në këtë Fjalor. Duhet qartësuar publiku se ky Fjalor i Shprehjeve Frazeologjike dhe Idiomave Shqipe nuk bën konkurrencë, është i tipit unik, ka natyrën e vet biologjike, pranon gabimet, sugjerimet. Do t'i shërbejë në falënderim Zotit- tek e fundit- përderisa këtu është derdhur me dekada një thesar gjuhësor teologjik për të faqebardhësuar një popull. Ky Fjalor tek e fundit ka ardhur dhe si rezultat i besimit, gjë e cila secili prej jush do ta vërejë nga fjala në fjalë nga faqja në faqe. Më vjen mirë që ky material voluminoz është parë nga specialistë të Gjuhës Shqipe si Prof.doc Valter Memisha të tjerë. Së fundmi kërkoj ndjese dhe të falur, pasi s'ka njeri pa gabime, por ajo që dua te theksoj, janë disa shprehje që tingëllojnë pak jo të mira nga estetika gjuhësore, unë u jam mundur që t'u ruhem sa më shumë, por meqë dhe ato janë pjese leksikore, mendoj që në gjuhëtari ndërtojnë atë pjesë që duhet të përfshihen me kujdes. "Ky Fjalor Frazeologjik dhe Idiomave Shqipe", përmbush ëndrrat e mia për t'u bërë ky libër, ku unë me plot vullnetin tim personal pasqyroj dashurinë dhe respektin për popullin dhe vendin tim.