Nais é unha historia de mulleres, de nais que teñen que afrontar unha vida marcada polas perdas, pola dor, polo engano, pola violencia… Son mulleres de varias xeracións da mesma familia que imos coñecendo a través da súa relación con Sara, enlace entre o presente e o pasado. Sara nai, Sara muller, Sara avoa, pero tamén a Sara filla, vítima dunha carencia afectiva incomprensible, vítima dun segredo que marca a súa vida. Todas elas son fillas, irmás, cónxuxes, pero, sobre todo, son nais.